Na pusni utorak va vrtić su nan došli Maškaroni z Kraljevice. Dica su ih rado pozdravila i s njimi zatancala na vrtićkon privratu.
Kako običaji našega grada nalažu, na čistu sredu smo našega mesopusta optužili za sve ča nan se proteklo leto dogodilo i spisali smo ga z vrtića.

Mesopust naš vrli
z Bakarca nan je došal
i za se ča se j’ dogodilo
opet je zasluge pobral.
Kriv je ča se j’ vrtić proširil
i ča dvoranu smo zgubili
pa va park dicu peljemo
i z tenisi ih blatnih doma šaljemo.
Kriv je ča nan je hodnik magazin
i ča mesta za hodit tamo ni…
Kriv je ča smo subotu na Korzo zakasnili
i sih dobro iznenadili.
…
(Šentenca, 2016.)